Ommaviy oferta

• Ijrochi — ushbu ofertaning oxirida rekvizitlari ko'rsatilgan, Matnla xizmatini taqdim etuvchi shaxs.
• Buyurtmachi — ofertani akseptlagan, 18 yoshga to'lgan jismoniy shaxs yoki yuridik shaxs vakili.
• Xizmat — matnla.uz sayti orqali video va audio fayllardagi nutqni avtomatik matnga aylantirish, subtitrlarni tahrirlash va eksport qilish imkoniyati.
• Daqiqa (kredit) — Xizmat hajmining o'lchov birligi: transkripsiya qilingan media faylning haqiqiy davomiyligi.
• Hisob — Buyurtmachining saytdagi shaxsiy kabineti.

Ushbu hujjat O'zbekiston Respublikasi Fuqarolik kodeksining 367–370-moddalariga muvofiq ommaviy oferta hisoblanadi: unda ko'rsatilgan shartlarni qabul qilgan har qanday shaxs bilan shartnoma tuzilgan deb hisoblanadi.

Buyurtmachi to'lovni amalga oshirgan paytdan boshlab ofertani to'liq va so'zsiz akseptlagan hisoblanadi. Shartnomani qog'ozda imzolash talab qilinmaydi.

Ofertaga qo'shimcha ravishda Foydalanish shartlari va Maxfiylik siyosati amal qiladi.

Ijrochi Buyurtmachiga Xizmatdan sotib olingan daqiqalar hajmida foydalanish huquqini beradi, Buyurtmachi esa uning haqini to'laydi.

Xizmat "bor holicha" taqdim etiladi. Transkripsiya avtomatik tarzda bajariladi va uning aniqligi ovoz sifati, shovqin, sheva va nutq tezligiga bog'liq. Ijrochi natijaning 100% aniqligini kafolatlamaydi; natijani muharrirda tekshirish va tuzatish Buyurtmachining vazifasi.

Amaldagi narxlar saytning Narxlar bo'limida va hisobdagi to'lov sahifasida ko'rsatiladi. Narx O'zbekiston so'mida belgilanadi. Buyurtmachi to'lov paytida ko'rsatilgan narxni to'laydi; keyingi narx o'zgarishlari allaqachon to'langan daqiqalarga ta'sir qilmaydi.

To'lov Click to'lov tizimi orqali amalga oshiriladi. Buyurtmachining karta ma'lumotlari Ijrochiga berilmaydi — ularni faqat to'lov tizimi qayta ishlaydi.

To'lov tasdiqlangach daqiqalar Buyurtmachi hisobiga avtomatik qo'shiladi. Agar to'lov o'tgan bo'lsa-yu, daqiqalar 1 soat ichida qo'shilmasa, Buyurtmachi yordam@matnla.uz manziliga to'lov chekini yuboradi.

• Daqiqalar har bir fayl transkripsiya qilinganda uning davomiyligiga teng miqdorda hisobdan yechiladi. Davomiylik serverda faylning o'zidan o'lchanadi va soniyagacha yuqoriga yaxlitlanadi.
• Transkripsiya texnik sabab bilan muvaffaqiyatsiz tugasa, yechilgan daqiqalar hisobga avtomatik qaytariladi.
• Subtitrni tahrirlash, eksport qilish va subtitrli videoni yuklab olish qo'shimcha daqiqa talab qilmaydi.
• Daqiqalarni boshqa hisobga o'tkazib ham, naqd pulga almashtirib ham bo'lmaydi.

Buyurtmachi to'lovdan keyin 14 kun ichida ishlatilmagan daqiqalar uchun pulni qaytarishni so'rashi mumkin. Qaytariladigan summa ishlatilmagan daqiqalar ulushiga mos ravishda hisoblanadi.

Ariza yordam@matnla.uz manziliga hisob e-pochtasidan yuboriladi. Pul 10 ish kuni ichida to'lov qilingan usul orqali qaytariladi. Ishlatilgan daqiqalar uchun pul qaytarilmaydi; transkripsiya sifati bo'yicha shikoyatlar alohida ko'rib chiqiladi.

Ijrochi:

• to'langan daqiqalar hajmida Xizmatni taqdim etadi;
• Buyurtmachining fayllari va ma'lumotlarini uchinchi shaxslarga oshkor qilmaydi;
• texnik nosozliklarni imkon qadar tez bartaraf etadi;
• murojaatlarga 3 ish kuni ichida javob beradi.

Buyurtmachi:

• Xizmatga faqat o'ziga tegishli yoki foydalanishga huquqi bor fayllarni yuklaydi;
• hisobga kirish ma'lumotlarini boshqalarga bermaydi;
• Xizmatdan qonunga zid maqsadlarda foydalanmaydi (Foydalanish shartlariga qarang).

Ijrochining javobgarligi har qanday holatda Buyurtmachi oxirgi 3 oyda Xizmat uchun to'lagan summa bilan cheklanadi. Ijrochi bilvosita zarar va boy berilgan foyda uchun javob bermaydi.

Yuklangan fayllar mazmuni va ulardan olingan subtitrlardan foydalanish uchun Buyurtmachi javobgar.

Tomonlar yengib bo'lmas kuch (fors-major) holatlarida, shu jumladan to'lov tizimlari, internet provayderlari yoki bulutli xizmatlardagi nosozliklarda majburiyatni bajarmaslik uchun javob bermaydi.

Nizolar avvalo muzokara yo'li bilan hal qilinadi: Buyurtmachi yordam@matnla.uz manziliga yozma murojaat yuboradi, Ijrochi 10 kun ichida javob beradi. Kelishuvga erishilmasa, nizo O'zbekiston Respublikasi qonunchiligiga muvofiq sudda ko'rib chiqiladi.

Shartnoma akseptlangan paytdan boshlab Buyurtmachi hisobini o'chirguniga qadar amal qiladi.

Ijrochi ofertani o'zgartirishi mumkin. Yangi tahrir saytda e'lon qilingan kundan kuchga kiradi va undan keyin qilingan to'lovlarga qo'llaniladi. Muhim o'zgarishlar haqida Buyurtmachi e-pochta orqali kamida 7 kun oldin xabardor qilinadi.

Ijrochi

Yo'ldoshev Mashrab Zokir o'g'li

Maqomi

O'zini o'zi band qilgan shaxs

JShShIR / STIR

to'ldiriladi

Manzil

to'ldiriladi

Telefon

to'ldiriladi

Elektron pochta

yordam@matnla.uz

Sayt

matnla.uz